Кентаудағы «Дара Бала» түзету орталығына заманауи логопедия айнасы қойылды. Құрал-жабдықты сатып алған – «ЭКО Атамекен» қоғамдық бірлестігінің 2025 жылы EA Charity fund қоры өткізген Tamyr Platform акселераторында жеңімпаз атанған жобасы. Енді мамандар сабағын тиімдірек өткізе алады, ал ерекше балалардың үйренуі қызығырақ әрі ыңғайлырақ бола түсті.
Жаңа «Говорун Pro» логопедия айнасы жаттығуларды ойын формасында өткізуге мүмкіндік береді: балалар дыбыстарды, сөздерді қайталайды, өз артикуляциясын айнадан көріп, үйретуші бағдарламалармен әрекеттеседі. Орталықтың мамандары атап өткендей, мұндай тәсіл балалардың ынтасын, зейіні мен мотивациясын арттыра түседі. Бұрын сөйлеуге ұялатын балалардың көбі енді экран алдына қысылмай барып, тапсырмаларды қуана орындайтын болған.
Жабдық қойылғаннан кейін логопедия сабақтарына барып жүрген балалар саны көбейіп, жиырма беске жеткен. Сабақ күнара, он минуттан өтеді, соның арқасында көбірек отбасын қатыстыруға мүмкіндік туады. Оған қоса орыс тілінде толық сабақ өткізуге мүмкіндік туып, ол мүмкіндікті қазір сегіз бала пайдаланып отыр.
Орталық командасы жаңа жабдықтың арқасында терапияның тиімділігі артып қана қоймай, мамандардың жұмыс істеу жағдайы да жақсарғанын атап өтті. Ұйым ары қарай да инфрақұрылымын кеңейте беріп, заманауи әдістерді енгізіп, сапалы коррекциялық көмекке зәру отбасыларды көбірек қамтуды жоспарлап отыр.
Tamyr Platform 2025 акселераторы 7 қазанда аяқталған, жеңімпаз болған 10 жобаның арасында дамуында ерекшеліктері бар балаларға арналған «Дара Бала» түзету орталығының негізін қалаушы Гүлнар Ниязованың жобасы жаңа жабдық қоюға қаржылай көмек алды.
