Tamyr Platform алғашқы офлайн-резиденцияға өтінім қабылдаудың басталғанын хабарлады. Бұл — 1–7 қазан аралығында Алматыда өтетін әлеуметтік кәсіпкерлерге арналған бір апталық интенсив бағдарлама. Оған Қазақстан, Қырғызстан, Өзбекстан, Тәжікстан және Түрікменстан азаматтары (18 жастан асқан, жеке кәсіпкер не заңды тұлға ретінде тіркелген) қатыса алады.
Өтінімдер 21 шілдеден 1 қыркүйекке дейін қабылданады. Резиденцияға 20–25 қатысушы іріктеліп алынады, олар идеясын сарапшылар қолдауымен толыққанды жобаға айналдыру мүмкіндігіне ие болады. Бағдарлама соңында резиденттер 5–10 миллион теңге көлемінде грантқа өтініш бере алады.
Қатысушыларға жобаны іске қосу және кеңейту бойынша оқу модульдері көрсетіледі, бизнес-модельмен жұмыс істеу туралы айтылады, жеке консультациялар беріліп, қатысушылармен нетворкинг жасайды. Акселерацияның барлық кезеңі тегін.
Болашақты өз ауласындағы мәселелерді шешетін батыл адамдар жасайды. Біз мұнда бейжай қарамайтындарды қолдап, идеяларды нақты өзгерістерге айналдыруға және Орталық Азияның әр қаласы мен ауылынан пікірлес табуға келдік, — деді EA Charity Fund және Tamyr Platform директоры Айдар Бурибаев.
Гранттар жобаны Эксперттік кеңесте қорғау нәтижесі бойынша беріледі. Жеңген қатысушылармен қаржы есебін беру жөнінде міндетті шарт жасалады.
Жобамыз қоғамды ең әуелі тауар алушы емес, адам деп көретін кәсіпкерлер шеберханасына айналады деп сенемін, — дейді жоба үйлестірушісі Дастан Аққожа.
Өтінім tamyrplatform.com сайтында қабылданады.
