Алматыда Tamyr Platform және EA Charity fund эксперттері қатысып, оффлайн-резиденция форматында Орталық Азиядан шыққан әлеуметтік кәсіпкерлерге арналған акселератор өтті.
Алматыда 7 қазанда Орталық Азиядан шыққан әлеуметтік кәсіпкерлерге арналған Tamyr Platform 2025 акселераторының жұмысы аяқталды. Қазақстан мен Қырғызстаннан келген 10 команда жалпы сомасы 66 млн теңгелік гранттар иегері атанды.
EA Charity fund қолдауымен өткен бес күндік интенсивке John Galt бизнес-акселераторының басшысы Айсалкын Таласбекова, TEDx спикері Жанна Прашкевич, Батырхан Шөкенов атындағы қоғамдық қордың директоры Наргиз Шукенова және өзге де спикерлер қатысты. Резиденцияның мақсаты – орнықты бизнес құруды үйретіп, қатысушылардың питчинг шеберлігін шыңдау болды.
Владислав Голярко
Волонтер әрі қоқысты жинап, қайта өңдейтін компанияның негізін қалаушы
Рымгүл Утепова
Балаларға арналған «Территория успеха» оңалту орталығының негізін қалаушы
Мұхаммеджан Кеңесбек
Өте жеңіл қол протездерін әзірлеуші
Олжас Сәрсенбаев
Тұңғыш қазақша скринридердің негізін қалаушы
Арайлым Кадыр
Астанадағы жалғыз букинист дүкен мен мултимәдениет хабының негізін қалаушы
Айжан Мыңжасарова
Балаларға арналған түзету орталығының негізін қалаушы
Нұрзада Амангелді
Қазақша ым-ишара тілін танитын интеллектуалдық жүйені жасаушы
Алуа Махкамбаева
Product Lead, Психологиялық қолдауға арналған Telegram-ботты жасаушы
Дилшод Тагоймуродов
Көп рет өңдеуге болатын сөмкелер шығаратын шағын цехтың басшысы
Гулназа Халманбетова
Жас аналар қауымдастығының негізін қалаушы
Денис Шин
Жеңілдікпен тағам сататын Telegram-ботты әзірлеуші
Гульнар Ниязова
Дамуында ерекшеліктері бар балаларға арналған логопед кабинетінің негізін қалаушы
Мирали Гиёсов
Активист әрі зағиптарға арналған аудиокітаптар онлайн-кітапханасын жасаушы
Ғалия Бекқожиева
Қиын жағдайға түскен әйелдерге жұмыс табуға сеп болатын жобаның негізін қалаушы
Светлана Богатырева
Суицидолог әрі Мектептердегі буллиңмен күресетін қоғамдастық жобасының басшысы
Анна Суворова
Transforma мәдени кеңістігінің басшысы
Карина Секенова
Врач-интерн әрі ЖИ көмегімен Альцгеймер ауыруына диагностика жасауға көмектесетін жобаның негізін қалаушы
Әділет Әміров
Инклюзив кофеханалар желісінің негізін қалаушы
Асель Журавлева
Мәдени қордың негізін қалаушы әрі директоры
Укей Мураталиева
Telegram мен WhatsApp-та мүгедектігі бар әйелдер өз өнімдерін сата алатын алаңның негізін қалаушы
Мавлюда Рафиева
Жалғыз басты аналарға, мүгедектігі бар және АИТВ-позитив әйелдерге көмектесетін жобаның негізін қалаушы
Нургиза Аймухамедова
Он жылдан аса тәжірибесі бар ерте араласу эксперті
Жанар Пшенова
Zero-waste дүкеннің негізін қалаушы
Арман Сейдазимов
Медициналық 3D-өндіріс саласындағы аддитив технологияларды дамытып жүрген жобаның басшысы
Сагида Махамбетова
Дәстүрлі қолкәсіп түрлерін сақтауды қолдап жүрген активист
Айканыш Садыкова
Қыздарға тәлімгерлерден қолдау ұсынатын экожүйенің негізін қалаушы
Орталық Азиядағы әлеуметтік кәсіпкерлікті қолдаған Tamyr Platform акселераторына алғысым шексіз. Жобаға қатысушылармен танысқаныма қуандым — бәрінің идеялары тамаша, жүрегі кең екен!
— Гульнар Ниязова
Tamyr Platform акселераторына қатысқаным маған тек кәсіби білім мен стратегиялық қолдау ғана емес, сонымен қатар жобамның дамуына жаңа бағыт берген пікірлес орта сыйлады.
— Нұрзада Амангелді
Акселератор жобама сырттан қарап, жаңаша ой түюге мүмкіндік берді: спикерлер де, қатысушылар да түрлі әрі бағалы тәжірибе әкелді. Өз жобамды бөлшектеп, жақсартып қайта құрастырғандай болдым.
— Светлана Богатырева
Акселератор маған білім алу, идея алмасу және жобаны трансформациялау тұрғысынан аса құнды тәжірибе болды. Ең бастысы — шабыт берген Tamyr Platform командасының ерекше атмосферасы.
— Владислав Голярко
Tamyr Platform спикерлері жобамның концепциясын өзгертуге көмектесті, ал нетуоркинг өмір бойы есімізде қалмақ. Ұйымдастырушылардың жанашырлығы күн баршаға бірдей сәуле шашады сенім ұялатты.
— Айжан Мыңжасарова
Tamyr Platform біздің әлеуметтік жобаларымыздың мәнін тереңдете түсті, өсіп-өркендеуге және Орталық Азия деңгейіндегі серіктестікке шабыт берді. Qaitadan үшін акселератор — адамдардың өзіне және табиғатқа деген ұқыпты қарым-қатынас миссиясындағы серіктеске айналды.
— Жанар Пшенова
Біз жаңа достар мен пікірлес адамдар таптық, әрі жобамызды қалай күшейтуге болатынын түсіндік. Спикерлер мен ұйымдастырушылар идеяға жаңаша қарап, өзімізге сенуге жол ашты. Бір-бірімізден үйреніп, өз өңірімізде іске асыруға болатын идеялар алып кеттік.
— Ғалия Бекқожиева
Біз бәріміз бір үлкен, әлемді жақсарту деген ортақ мақсаты бар командаға айналғандай болдық. Әлеуметтік кәсіпкерлердің идеясы көп, тек білімі жетіспейтін сәттер болады. Tamyr Platform жобамның даму бағытын қайта анықтауға көмектесті.
— Арайлым Кадыр
Бұл апта маған тек жаңа білім ғана емес, күш, сенім және алға ұмтылуға деген ынта сыйлады. Ең құндысы — нағыз қолдау, ашықтық пен шынайы нетуоркинг сезімі болды — идеялар әңгіме үстінде-ақ туа берді.
— Нұргиза Аймухамедова
Tamyr Platform — мен қатысқан акселераторлардың ішіндегі ең үздігі деуге болады. Қойған сұрақтарыма нақты жауап алдым. Спикерлердің дәрістері өте пайдалы, әрқайсысынан жеке кеңес алғым келді. Кей сәттер шынайы әрі әсерлі болғаны сондай, тіпті командадан бір адамды шығарып жіберуге батылым жетті. Ал осы күндердегі атмосфера үшін ерекше алғысымды білдіремін. Қазір менің Орталық Азия бойынша ондаған жақсы таныстарым мен ықтимал серіктестерім бар.
— Анна Суворова
